Garaipen txikietarako denbora
gogoratu nahiko nuke
zahartzen naizenean
ez nintzela soilik niregatik bizi
borrokatu
eta nire borondate laburra
zabaldu zitekeela
hura sakrifikatuz gero.
Batzuetan bakar denboraz amesten dut
munduarekin egon ahal izateko
igande gau handi batean aurkitzen naiz:
lo autobusean
iratzartzen naiz pisuko giltza eskuan.
Nire garaipen txikiak zerrendatzera noa:
-Egun bat bizkarreko minik gabe
-Tupperrik gabeko otordu duin bat
-Mugikorrik gabe esnatu
-Arratsalde libre bat.
Nira mugatua baino
zerbait handiagora sarbidea dut orain
txikia bainaiz perspektiba historikoan.
Nire buruaz zalantza egin baino
bakarrik sentitu
lanera kondenatu
beste egun bat
antolatu
eta beste egun batek
esango du.
Maitagarri bat
bortitza denean
ederra da
kontraesana
itxuran gatazka
saihestu nahian
agertzen da
eta esku betez
biltzen dut egia.
Indar neutralizatzaileek diotenean
ezin dela dena probestu
instrumentalizatu
kolpe batez erantzungo dugu
inor ez dagoela bakarrik munduan
eta bortxaz bizi garela
indarrez ez bada.
Momentu batez kamerari begiratu
laugarren pareta apurtu
Garaipena
bere tamainaz neurtzera ohituta
gerra, borroka, lehiaketa edo joko batean,
etsaia edo aurkaria garaitzea da.
giza ekintzan
dago zalantza
pintada erraldoi bat ikusten dudanean
israel
kartel erori bat
suntsitu
eta inork jarri ez duela dirudienean
hitza epemuga batekin
zita bat
palestina
mobilizatu
eta gero
pareta huts bat
giza ekintzan
dago zalantza
zure oihuaz beldur zarenean
beste ehunkaren artean
askatu
zurea bakarra zela sentitu zenuenean
baxu
zeure buruarekin arituko bazina bezala
oraindik leloak
egia duela ziurtatu dezan
giza ekintzan
dago zalantza
katez lotu dira gure zenbait kide
zilegia den
harreman oro eten
exijitzea
jipoitua izatea
irudi desenfokatu batean
duinagoa da
aurpegiak zigor izan ez daitezen arte
borrokatzea
giza zalantzan
dago ekintza
aurrera ateratzea
Edertasunaren bila noa
erregela baten neurrira
—————————
Gertakizuna
Apurtu arte
→giltza nirea da
Nor naizen
janzteko ere
balaklava beltza
soineko arrosa
dilema / bat
zuretzat izango da
(eutsi)
ba ba
)( ()
() )(
ba ba
)EUTSI(
Hiriaren sarrera
>>>>>>>>>>>>
eta irteeretan
<<<<<<<<<<<<
jarriko gara
Beste batzuk
eraikin parean
besoak borobilduta
zerradurarik gabeko
{}{}{}{}{}katea{}{}{}{}{}
__________________
______Barruan______
eusteko prest dagoena
ez dago }
{ askatzerik
Egin nahi duzuna
– hustu itsaso sakonena
– eraitsi mendi garaiena
– itzali eguzki disdiratsuena
beste bati
hasiera ematera goaz
Bihar
bat badago
horregatik gauero
iratzargailua
ordu ezberdin batean
9
8
7
6
5
4
3
2
1
lotara:noa
Izarrak sabaian
* *
* * *
*
Zeru baten faltan *
* *
* *
Argia itzaltzean
itxi+ireki
=ortzimuga beldurgarriena.
Ortzadarra noizean
antolatzen naizenean.
Bihotz formarik ♡ Ez du bihotzak
baina odola bezain gorria da
egiten gaituena.